У Брэсцкай вобласці колькасць палітвязняў павялічылася: праваабаронцы прызналі яшчэ двух чалавек

Праваабарончая супольнасць Беларусі прызнала палітычнымі зняволенымі яшчэ двух чалавек з Брэсцкай вобласці. Паводле падлікаў праваабаронцаў, колькасць палітвязняў з рэгіёна дасягнула 188 чалавек.

Чытайце таксама: Жителей Брестской области продолжают судить за «содействие экстремистской деятельности». В колонию отправляют не всех

Статус палітвязняў атрымалі Дзмітрый Левы, які зарэгістраваны ў Іванаўскім раёне, і жыхар Баранавічаў Павел Станіслаўчык.

Абодва атрымалі па тры гады «хіміі»

Як паведамляюць праваабаронцы, Дзмітрый Левы быў асуджаны Брэсцкім абласным судом да трох гадоў абмежавання волі з накіраваннем ва ўстанову адкрытага тыпу. Ён адбывае пакаранне ў папраўчай установе №48.

Павел Станіслаўчык, жыхар Баранавічаў, быў асуджаны напрыканцы 2025 года. Яму таксама прызначылі тры гады абмежавання волі ва ўстанове адкрытага тыпу. Мужчына адбывае пакаранне ў папраўчай установе №43.

У сетцы кожны ваш клік пакідае след, які могуць выкарыстоўваць супраць вас. Не дазваляйце ператвараць вашыя інтарэсы ў крымінальныя справы. Уключайце BGlobal VPN — будзьце нябачныя для старонніх вачэй.

Спасылка на падключэнне BGlobal VPN – тут

Што такое «справа Гаюна»

Павел Станіслаўчык быў асуджаны ў межах так званай «справы Гаюна». Гэта адна з самых масавых рэпрэсіўных спраў апошніх гадоў у Беларусі.

Яна пачалася пасля таго, як сілавыя структуры атрымалі доступ да паведамленняў, якія карыстальнікі дасылалі праекту «Беларускі Гаюн». Праект, створаны ў лютым 2022 года, збіраў і публікаваў інфармацыю пра перамяшчэнне вайсковай тэхнікі па тэрыторыі Беларусі.

Паводле апошніх дадзеных праваабаронцаў, усяго ў Беларусі палітычнымі зняволенымі лічацца 852 чалавекі. З іх 188 чалавек, паводле падлікаў, звязаныя з Брэсцкай вобласцю.

Чытайце таксама: «Справа Гаюна». Як сілавікі вылічваюць людзей — меркаванне «Кіберпартызанаў»

Будь на связи и в безопасности: подключи BGlobal VPN

Наш канал в Telegram. Присоединяйтесь!

Есть о чем рассказать? Пишите в наш Telegram-бот. Это анонимно и быстро