Каровы ў гноі, а справаздачы ў парадку: як «вылiзваюць» беларускія фермы

У пятніцу Аляксандр Лукашэнка праводзiў чарговы паказальны разнос чыноўнікаў з Віцебскай вобласці. Паводле яго слоў, яны «давялi» рэгіён: зафіксаваны вялікі падзеж кароў, паўсюль бязладдзе і хаос. Ён загадаў «вычысцiць і вылiзаць» фермы вобласці. Чыноўнікі ўзялі пад казырок і ўжо ў суботу выправіліся на фермы «вылiзваць» іх.

У гэты ж час жыхарка вёскі Рэчань Любанскага раёна (Мінская вобласць) паказала, у якім жахлівым стане ўтрымліваюцца каровы на мясцовай ферме. Журналісты BGmedia заўважылі, што гэтую гаспадарку яшчэ нядаўна вельмі расхвальвалі дзяржаўныя медыя. А што насамрэч?

Каровы ледзь перасоўваюцца па гною, практычна ўсе кульгаюць. Аўтарка роліка пытаецца: «Куды глядзяць ветэрынарныя лекары?». З каментарыяў, а іх больш за дзве тысячы, вынікае, што праблема не толькі ў ветэрынарах і іх кантролі і датычыцца яна далёка не аднаго Любанскага раёна. Людзі шчыра жахаюцца такім умовам утрымання жывёлы.

@user1433233996029♬ оригинальный звук — MTK600

«Жах, як можна жывёлу так мучыць? Якое малако пасля гэтага будзе? Працавала даяркай у саўгасе, такога не бачыла. Як іх шкада», — напісала былая даярка.

«Гэта яшчэ не самы страшны выпадак. Хто працаваў на фермах, бачыў і горш», — дадаў адзін з карыстальнікаў.

«Вось чым трэба займацца дэпутатам, а не да катоў прычапляцца», — абураюцца людзі.

«Скажу больш: так шмат дзе. Я працаваў на ферме — страшна глядзець на гэтых кароў. А яны ў тэлефонах сядзяць і каву п’юць. Скажы ім слова — яшчэ і злуюцца: ты хто такі, я сам ведаю, у мяне ўсё запісана. Вот каб панёс хто адказнасць ды заплаціў хаця б за адну, то і загадчыкі, і ветэрынары ўжо задумаліся бы», — падзяліўся працаўнік фермы.

«Усіх дэпутатаў і чыноўнікаў у гэтыя кароўнікі», — заклікаў іншы карыстальнік.

Чытаць таксама: Гомельская учительница, «обос…нные» коровы, фотомодели, финалисты «Евровидения». В какие ситуации вмешивался Лукашенко?

Многія ў каментарах узгадвалі Лукашэнку і казалі, што «шкада, што ён гэтага не бачыць, а то ўсё кіраўніцтва ў гэтым гноі сядзела б». Іншыя адказвалі, што менавіта ён у гэтым вінаваты, таму што «так па ўсёй краіне». «Лукашэнку сюды! Развёў бардак, паставіўшы сваіх калгаснікаў ва ўладзе!», — напісаў яшчэ адзін карыстальнік.

Між тым дзяржаўная прэса расхвальвала гаспадарку «Рэчань» на ўсе лады. Газета «СБ-Беларусь Сегодня» паведамляла, што гаспадарка ўваходзіць у склад аграхолдынгу «Беларуськалій-Агра», мае «саліднага інвестара, што і прадвызначае упэўненае сённяшняе і будучае». Паводле выдання, у Рэчані «пастаянна нарошчваюць аб’ёмы вытворчасці, павышаюць эфектыўнасць і якасць, зніжаюць затраты», а ў аснову працы пакладзена «строгае выкананне тэхналогіі».

Асабліва ўзвялічвалася праца галоўнага заатэхніка Таццяны Бондар: «З прыходам у гаспадарку Таццяны Бондар справы ў жывёлагадоўлі заўважна палепшыліся. Яна працуе ўдумліва, пралічвае кожны крок, сочыць, каб не парушалася тэхналогія вытворчасці і выкарыстоўваліся парады вучоных», — пісала газета.

А тут вось такі гной.

Чытаць таксама: «Яшчэ тры гады таму тут віравала жыццё». Вясковец паказаў стан фермы ў Ельскім раёне

Наш канал в Telegram. Присоединяйтесь!

Есть о чем рассказать? Пишите в наш Telegram-бот. Это анонимно и быстро