«Не хапае? Знайдзіце! Гэта жыццёва неабходна». Кругласутачная аптэка ў Слоніме не з’явіцца праз дэфіцыт кадраў

Жыхары Слоніма звярнуліся ў райвыканкам з просьбай разгледзець пытанне аб адкрыцці адной кругласутачнай аптэкі. Паводле іх слоў, для іх гэта жыццёва неабходна. Чыноўнікі нечакана размясцілі адказ на просьбу на старонцы райвыканкама ў Facebook.

Чытайце таксама: За музеем — свалка? Житель Барановичей показал, что творится у аптеки Лаевского

Чаму ў Слоніме не з’явіцца кругласутачная аптэка

У допiсе нагадваюць, што ў Слоніме працуюць тры аптэкі з рэжымам працы да 22.00:

• Аптэка 227 (вуліца Яршова, 58) з рэжымам працы ў буднія дні да 22.00;
• Аптэка 258 (вуліца Чырвонаармейская, 73Г ГЦ «Бераг») з рэжымам працы да 22.00;
• Аптэка 1 (вуліца Даватара, 5А) з рэжымам працы да 22.00.

Чыноўнікі прааналізавалі наведвальнасць аптэк 227 і 258 з 21.00 да 22.00. Яны ўстанавілі, што за 30 хвілін з 21.00 да 21.30 аптэку ў сярэднім наведваюць 4–8 чалавек. З 21.30 да 22.00 — усяго 2–3 чалавекі ці наогул нуль. Таму яны зрабілі выснову, што познім вечарам у аптэк нізкая запатрабаванасць. Пры арганізацыі працы ў кругласутачным рэжыме ўзнікнуць значныя страты, а паказнікі фінансава-гаспадарчай дзейнасці аптэк будуць негатыўнымі.

Сегодня один клик или лайк могут стоить слишком дорого. История вашего браузера не должна быть поводом для преследований. BGlobal VPN. полностью шифрует ваш трафик. Оставайтесь в безопасности.

Ссылка на подключение BGlobal VPN – здесь 

«Для забеспячэння працы аптэкі ў кругласутачным рэжыме неабходная наяўнасць дастатковай колькасці фармацэўтычных кадраў. У сувязі з нястачай фармацэўтычных кадраў у дзейных аптэках Слонімскага раёна многім фармацэўтычным спецыялістам даводзіцца працаваць на ўмовах унутранага сумяшчальніцтва.

Такім чынам, ва ўмовах дэфіцыту кадраў, неабходных для ажыццяўлення дзейнасці дзейных аптэк, перавод работнікаў з іншых аптэк для арганізацыі працы аптэкі ў начны час сутак прывядзе да закрыцця альбо да значнага скарачэння іх рэжымаў працы і, як следства, пагаршэння лекавага забеспячэння насельніцтва нашага горада», — адказаў Слонімскі райвыканкам.

Чыноўнікі дадалі, што ў Слоніме плануюць адкрыць інтэрнэт-аптэку з магчымасцю дастаўкі альбо самавывазам лекавых прэпаратаў і іншых тавараў аптэчнага асартыменту. Яны будуць рады бачыць жыхароў, якія скарыстаюцца інтэрнэт-аптэкай.

Не ўсіх жыхароў Слоніма задаволіў адказ чыноўнікаў

Не ўсіх жыхароў Слоніма задаволіў адказ чыноўнікаў: «Аптэка кругласутачная патрэбная! Што значыць, не хапае кадраў? Знайдзіце! Гэта жыццёва неабходна. Выгадна / не выгадна — не павінна хваляваць».

Некаторыя сталі на бок райвыканкама:

• «Для жыццёва неабходных існуе хуткая дапамога, якая працуе кругласутачна».
• «Можаце дапамагчы ў гэтым) За капейкі пойдзеце працаваць? Ці вы думаеце, што ў нас усе за ідэю хочуць працаваць?»

Чытайце таксама: В Чечерском районе силовик попытался купить снотворное без рецепта, показав свое удостовение

Будь на связи и в безопасности: подключи BGlobal VPN

Наш канал в Telegram. Присоединяйтесь!

Есть о чем рассказать? Пишите в наш Telegram-бот. Это анонимно и быстро