«Людзі зразаюць маршрут і вытоптваюць іх». У Гродна прапанавалі штрафаваць людзей за стыхійныя сцежкі

У Горадні зноў успыхнула дыскусія вакол звыклай гарадской праблемы — вытаптаных газонаў і стыхійных сцежак. У «Гродзенскай праўдзе» адказнасць за разбурэнне зялёных зон фактычна ўсклалі на саміх гараджан. Аднак калі прачытаць больш раннія матэрыялы гэтай газеты, карціна апынаецца куды менш адназначнай — і месцамі проста супрацьлеглай.

Чытайце таксама: У Гродне кіроўцы скардзяцца на дрэнны агляд каля пешаходнага пераходу, але ў ДАІ праблем не бачаць

Жыхарам Гродна пагражаюць штрафамі за вытоптванне газонаў

Новы тэкст «Гродзенскай праўды» прысвечаны сітуацыі каля прыпынку на праспекце Янкі Купалы — насупраць гасцініцы «Турыст». Паводле назіранняў журналістаў, газон там практычна цалкам вытаптаны, нягледзячы на наяўнасць уладкаваных дарожак.

У тэксце падкрэсліваецца, што галоўная прычына — паводзіны пешаходаў, якія аддаюць перавагу таму, каб зразаць шлях: «Жаданне зрэзаць шлях да прыпынку, пешаходнага пераходу або пад’езда апынаецца мацнейшым за павагу да зялёных насаджэнняў».

Далей выданне спасылаецца на меркаванне прадстаўнікоў гарадской ЖКГ. Начальнік аддзела добраўпарадкавання Гарадзенскай гарадской ЖКГ Дзмітрый Вярышка патлумачыў:

«Вакол прыпынку ад пачатку былі прадугледжаны газоны. Людзі зразаюць маршрут і вытоптваюць іх. Мы некалькі разоў аднаўлялі зялёнае пакрыццё, але трава не паслявае ўзысці — яе тут жа вытоптваюць. Зараз у крокавай даступнасці ёсць і святлафор, і плітка, і асфальтабетоннае пакрыццё — альтэрнатыўныя шляхі існуюць. Але кожны хоча зрэзаць… Калі сітуацыя не зменіцца, будзем вымушаныя паставіць агароджу. Хаця, шчыра кажучы, не хочацца ператвараць увесь горад у платы».

У матэрыяле таксама робіцца выснова, што паўплываць на сітуацыю могуць толькі самі жыхары, а радыкальныя захады накшталт агароджаў — крайні варыянт. У якасці магчымага захаду згадваецца нават увядзенне штрафаў за вытоптванне газонаў.

Чытайце таксама: В Бресте на протоптанной «народной» тропе установили металлическое ограждение. Жители в недоумении

Людзi выбіраюць не «няправільныя» маршруты, а самыя кароткія і лагічныя з іх пункту гледжання

Дарэчы, у тэкстах 2023 года «Гродзенская правда» апісвала праблему стыхійных сцежак не як пытанне «нядбайных пешаходаў», а як вынік гарадской планіроўкі. Адзначалася, што падобныя сцежкі фіксаваліся на вуліцах Кабяка, Антонава, Дзяржынскага і іншых участках горада. Пры гэтым акцэнт рабіўся на тым, што жыхары выбіраюць не «няправільныя» маршруты, а самыя кароткія і лагічныя з іх пункту гледжання.

Загадчык кафедры батанікі ГрДУ імя Янкі Купалы Алег Созінаў тады тлумачыў: «З’яўленне стыхійных сцежак часцяком сведчыць не столькі пра непавагу да добраўпарадкавання, колькі пра неадпаведнасць афіцыйнай інфраструктуры рэальным патрэбам людзей». Ён таксама адзначаў, што ў шэрагу краін дарожкі спачатку «вылічваюць» па рэальных патоках людзей, а затым ужо добраўпарадкоўваюць.

Урбаніст Андрэй Карпека развіваў тую ж думку, прыводзячы замежныя прыклады: «У некаторых краінах спачатку назіраюць за тым, як перамяшчаюцца жыхары, а затым добраўпарадкоўваюць самыя запатрабаваныя маршруты».

То-бок у ранейшай логіцы праблема выглядала не як парушэнне, а як сігнал: людзям нязручна, і гарадское асяроддзе патрабуе карэктавання.

У Гродна ўжо былі выпадкі, калі стыхійныя сцежкі ператвараліся ў афіцыйныя дарожкі — напрыклад, каля дома №23 на вуліцы Крамко ў мікрараёне Вішнявец.

А ў Віцебску запусцілі праграму «Сцежкавая сетка», у межах якой плануецца добраўпарадкаваць дзесяткі стыхійных маршрутаў, фактычна ўзаконіўшы іх як частку гарадской інфраструктуры.

Чытайце таксама: Хочешь подсыпать тропинку — пройди бюрократический ад. Как в Бресте желание навести порядок пресекается на корню 

Будь на связи и в безопасности: подключи BGlobal VPN

Наш канал в Telegram. Присоединяйтесь!

Есть о чем рассказать? Пишите в наш Telegram-бот. Это анонимно и быстро