«У XXI стагоддзі людзей пад зямлю ўжо не заганяюць». Жыхары Жодзіна раскрытыкавалі новыя падземныя пераходы

У Жодзіне пасля адкрыцця новых падземных пераходаў разгарэлася дыскусія ў сацсетках. Жыхары скардзяцца на дзясяткі прыступак, непрацуючыя пандусы і адсутнасць ліфтаў, а таксама кажуць, што новы аб’ект аказаўся нязручным для пажылых людзей, бацькоў з каляскамі і людзей з інваліднасцю.

Чытайце таксама: Впервые в Беларуси на участке Лепель — Полоцк возводят подземные тоннели для копытных. Но есть нюанс

Чаму жыхары Жодзіна незадаволены новымі падземнымі пераходамі

Адным з самых абмяркоўваемых стаў допіс жыхаркі Жодзіна ў Threads. На яе думку, будаўніцтва новага падземнага пераходу на скрыжаванні праспекта Леніна, вуліцы Францыска Скарыны і вуліцы 50 гадоў Кастрычніка сур’ёзна пагоршыла гарадское асяроддзе: «Жодзіна — горад, які ненавідзіць сваіх жыхароў. Асабліва маламабільныя групы насельніцтва».

Жанчына лічыць, што падобныя рашэнні ствараюць праблемы для людзей з інваліднасцю, пажылых жыхароў, бацькоў з дзіцячымі каляскамі і веласіпедыстаў. Акрамя таго, яна ўпэўненая, што падземныя пераходы не вырашаюць праблему затораў: «Лагічным выйсцем было б вяртанне наземных пешаходных пераходаў».

На пытанне аднаго з карыстальнікаў Threads, якім чынам падземны пераход можа павялічыць рызыку ДТЗ, аўтар патлумачыла: «Ёсць верагоднасць, што некаторыя пешаходы паспрабуюць проста перабегчы дарогу, каб не спускацца ў нязручны пераход».

У сетцы кожны ваш клік пакідае след, які могуць выкарыстоўваць супраць вас. Не дазваляйце ператвараць вашыя інтарэсы ў крымінальныя справы. Уключайце BGlobal VPN — будзьце нябачныя для старонніх вачэй.

Спасылка на падключэнне BGlobal VPN – тут

Яшчэ адна жыхарка Жодзіна напісала ў Threads такі допіс: «У Жодзіне скончылі рамонт дарогі, але ёсць адно «але»… навошта такія глыбокія пераходы? P.S. гэта не поўная карціна, яшчэ ёсць такое перад паваротам».

У каментарыях жыхары Восьмага мікрараёна адзначылі, што пасля адкрыцця пераходу раён аказаўся фактычна аддзелены ад астатняй часткі горада:

• «Ніхто не падумаў, як дзяцей вадзіць у дзіцячыя сады, школы. Як пажылым людзям падымацца. Мамам з каляскамі».
• «Жыву ў восьмым мікрараёне, на пенсіі. Для пажылых людзей узімку ў галалёд з сумкамі пераход будзе цяжка пераадольваць».

Іншыя звярталі ўвагу на канструкцыю пераходаў: «Падазраю, што ўзялі тыпавы праект для метро і проста ўляпілі яго як пешаходны пераход».

Таксама паскардзіліся на глыбіню пераходаў і вялікую колькасць прыступак:

• «Учора спускалася і падымалася з каляскай, праклінала гэтага цуда-архітэктара».
• «Я ўчора вырашыла, што лепш буду рабіць круг праз «Санту», чым кожны раз так пакутаваць».

Жыхары таксама звяртаюць увагу, што частка інфраструктуры пакуль не працуе: «І яшчэ пандусы для людзей з інваліднасцю стаяць і не працуюць. Для чаго? Для галачкі?»

Іншыя не могуць зоазумець, чаму ў сучасным горадзе ўвогуле з’явіліся такія рашэнні: «Ніхто не заганяе людзей пад зямлю ў XXI стагоддзі. Гэта чыста савецкая традыцыя».

Чытайце таксама: «Не видно пешеходов». В Молодечно необычная подсветка перехода вызвала споры и вопросы у водителей

Ва УКБ Жодзіна патлумачылі, што праект прайшоў дзяржаўную экспертызу

На гэтыя скаргі адрэагавала «Мінская праўда». Там нагадалі, што цяпер у Жодзіне працуюць тры падземныя пераходы — каля мікрараёна Навуковы, дзіцячай паліклінікі і восьмага мікрараёна.

Газета фактычна пацвердзіла частку прэтэнзій жыхароў. Так, высветлілася, што каля двух новых пераходаў работы яшчэ працягваюцца: адсутнічаюць асобныя парэнчы, а пандусы для маламабільных грамадзян пакуль не ўведзеныя ў эксплуатацыю.

Ва УКБ Жодзіна выданню патлумачылі, што пераходы адкрылі раней за заканчэнне добраўпарадкавання дзеля бяспекі пешаходаў. Таксама чыноўнікі паведамілі, што праект распрацаваны інстытутам «Мінскаблпраект» і прайшоў дзяржаўную экспертызу. У далейшым усе пераходы павінны быць абсталяваныя пандусамі, аднак на сёння яны працуюць толькі каля мікрараёна Навуковы.

Зрэшты, каб паказаць іншы пункт гледжання, газета прывяла меркаванні дзвюх жыхарак горада, якія падтрымалі будаўніцтва пераходаў. Адна з іх заявіла, што бяспека важнейшая за неабходнасць падымацца па лесвіцах, а 84-гадовая пенсіянерка распавяла, што карыстаецца пераходам, хоць назад часам аддае перавагу ісці праз звычайны святлафор.

Чытайце таксама: «Пешеходы из-за подсветки сливаются с дорогой». Брестчане спорят из-за необычного перехода по дороге в Беловежскую пущу

Будь на связи и в безопасности: подключи BGlobal VPN

Наш канал в Telegram. Присоединяйтесь!

Есть о чем рассказать? Пишите в наш Telegram-бот. Это анонимно и быстро